Орындап көр

Аксессуарларды қолдан да жасауға болады. Ол үшін қайшы, ине-жіп, ескі тоқыма жейде қажет. Ұсынылған нұсқалардың бірін таңда. Ата-анаңнан жейдеден жіңішке таспалар қиып беруді сұра.

1-нұсқа. Қарапайым алқа

• Ескі тоқыма жейдеден жіңішке таспалар дайында (1-сурет).

• Әр таспаны жіңішкертіп созып, бау жаса (2-сурет).

• Ұштарын қайшымен тегістеп қи. Әр таспаның ұшын түйіндеп байла (3-сурет).

• Түйінделген жерлерін қолыңа жинап, мата жолағымен ора. Жолақтың ұшын орам ішіне жасыр (4-сурет). Ерекше алқа дайын.

2-нұсқа.Гүлді алқа.

Жұмысқа кіріспес бұрын екі түсті таспа сияқты мата қиықтары, фетр қиындысы, желім тапаншасы, қайшы дайындап ал.

• Мата қиығын алып, бір ұшын түйінде. Түйінді айналдыра матаны орай баста (1-сурет).

• Үшінші рет орағаннан кейін матаны сәл босатып, күлтелерге ұқсас бұйралар жаса (2-сурет).

• Матаның ұшын астына жасырып тік. Күлтелерін аш (3-сурет). Осындай 5 гүл дайында. Гүлдер түрлі түстеі болуы мүмкін.

• Ұзындығы 20 см екі түрлі мата таспаларын алып, ұштарын біріктіріп тік. Содан соң оларды бұрап, бау қылып ес. Екінші ұшын да біріктіріп тігіп қой (4-сурет).

• Баудың екі ұшына екі гүліңді тігіп қой (5-сурет).

• Фетрдің үстіне екі гүлді қой. Арасына үш гүлді орналастырып, айналдыра сызып шық (6-сурет).

• Сызылған пішінді қиып ал (7-сурет).

• Қиып алынған үлгіге дайын гүлдерді желімде (8-сурет).

• Гүлді алқа дайын (9-сурет).

3-нұсқа. Түрлі түсті алқа 

Берілген алқаны өздігіңнен жаса. Орындау тәсілі мен реттілігін ойлан.