Роботтар

Сен:

  • ғарыштық роботтар туралы білесің;
  • Марсқа ұшатын ғарыш кемесінің макетін жасайсың.

Тірек сөздер:

  • робот
  • Марс кемесі

 

Суреттерді зерделе

Бұл суреттерде не бейнеленген?

 

Білгенің жөн

Ғарыш роботтары ғарышта, Жер орбитасында немесе басқа ғаламшарларда қолдануға арналған.

Бірінші роботтандырылған техникаға Ай, Марс, Шолпан бетіндегі топырақ сынамаларын жинауға арналған роботтар жатады.

Curiosity атты Марс кемесі – бұл ірі химиялық сынақ зертханасы. Ол Марстың табиғаты туралы маңызды деректерді жинайды.

Марс кемесі

 

Роботтың Марсқа қонуы туралы видеожазбаны қара.

Анықта

Марс кемесінің фотосуретін зертте. Оның қанша дөңгелегі бар екенін анықта.

Орындап көр
-

Қалдық материалдан Марс кемесін жаса. Материалдарды дайында: шырын немесе сүт қораптары, пластикалық қақпақтар, шырын түтіктері, жабысқақ таспа (скотч), фольга (1-сурет). Орындауға кіріс.

1. Шырыннан немесе сүттен қалған қорапты фольгамен немесе кез келген жылтыр қағазбен ора (2-сурет).

2. Қораптың төменгі жағын екі жерінен тес. Тесіктер арқылы түтіктерді өткіз. Тесік жасау үшін мұғалімнен көмек сұрауға болады (3-сурет).

3. Түтіктердің ұштарына пластикалық қақпақтарды орнат немесе желімде. Бұлар – оның дөңгелектері (4-сурет).

4. Макетіңе енді қара картоннан жасалған терезелерді желімде.

5. Дайын ғарыш кемесін камераға ұқсайтын элементтермен толықтыр (5-сурет).
 

 

 

Сабақтағы қауіпсіздік ережелері

Өткір, кескіш және тескіш құралдармен жұмыс істеуде қауіпсіздік ережелерін сақта. Қайшымен ойнама. Біреуге бергенде оны жабық күйінде сабы жағымен ұсын. Жұмысты аяқтаған соң қабына сал.

Өз жұмысыңды бағала

-
Жұмысты келесі критерийлер бойынша бағала:
1. Бұйым Марста жүре алатын ғарыш кемесіне ұқсайды.
2. Дөңгелектері дұрыс бекітілген.
3. Қосымша элементтермен (терезелер, камералар) толықтырылған.

Өзіңді тексер

Фотосуреттерде қай робот бейнеленген?

Бірінші ғарыштық роботтандырылған техникаға не жатады?

Curiosity Марс кемесінің дұрыс анықтамасы қандай?

Сенің нәтижең

0%