Самұрық» құсы

Сен:

  • жылжымалы конструкция туралы білесің;
  • аспалы композиция жасайсың.

Тірек сөздер:

  • аспалы
  • композиция

 

Білгенің жөн

Адам мен Самұрық құсы туралы аңыз

Бірде Хасан есімді жас жігіт ұядан құлаған Самұрықтың балапандарын жейін деп ирелеңдеп кетіп бара жатқан жыланды көреді. Хасан жыланды өлтіріп, балапандарды қайтадан ұясына салады. Самұрық қайтып оралғанда, адамның иісін сезеді. Балапандары адам келіп, өздерін жыланнан құтқарғанын айтады. Самұрық адамның дос екенін және одан қорқудың қажеті жоқ екенін түсінеді.

Суреттерге қарап шығып, сұрақтарға жауап бер

Бұл суреттерде қандай құс бейнеленген?

Декордың түрімен таныс

Аспалы композиция – кеңістікте орналасатын көлемді жылжымалы конструкция, декордың бір түрі. Оларды мобильдер деп те атайды. Аспалы композиция ортақ тақырыпқа біріктірілген заттардан құралады.

Анықта

Аспалы композициялар қандай материалдардан жасалған?

Орындап көр
-

Табиғи материалдан ерекше аспалы композиция жаса. Ол үшін құрғақ ағаш бұтақтарын, ыстық желім тапаншасын және қалың жіп дайында.

1. Ересектерден 12 таяқша кесіп беруді сұра (1-сурет).

2. Таяқшалардан шаршы жасап, оларды желімде (2-сурет).

3. Шаршының бұрыштарына пирамида пайда болатындай етіп таяқшаларды жабыстыр. Ұштарын желімде (3-сурет).

4. Шаршының екінші жағына да дәл осылай пирамида пайда болатындай етіп таяқшаларды жабыстыр. Таяқшалардың ұштарын желіммен біріктір (4-сурет).

5. Төбесіне жіп байла. Аспалы конструкция дайын (5-сурет).

6. Конструкцияны қалаған түстеріңе бояуыңа болады (6-сурет).

7. Конструкцияға алманы салып, ағашқа іліп қой.

Ол жел соққанда, құстар қонғанда шайқалып, жақсы әсер береді.

 

 

Сабақтағы қауіпсіздік ережелері

Сабақта әртүрлі құралдар және материалдармен жұмыс істеу кезінде қауіпсіздік ережелерін сақтау қажет.

Оқы, қызық!

Түрлі материалдардан өз қолыңмен түс аулаушыны қалай жасауға болатындығы туралы бейнежазбаны қара.

 

Өз жұмысыңды бағала

-
Жұмысты келесі критерийлер бойынша бағала:
1. Конструкцияның бүйірлері мықтап жабыстырылған.
2. Конструкцияның пішіні дұрыс.

Өзіңді тексер

Самұрық құсы мен адам туралы аңызда қандай кейіпкерлер бар?

Аспалы композиция – кеңістікте орналасатын көлемді жылжымалы конструкция, декордың бір түрі. Оларды тағы қалай атайды?

Аспалы композиция қандай заттардан тұрады?

Сенің нәтижең

0%