ОРЫНДАП КӨР

Аппликация техникасымен таныс

Аппликация – біртекті материалдардан қиып алынған пішіндерді негізге желімдеу арқылы бейне жасау техникасы.

Дәстүрлі емес материалдардан «Күзгі пейзаж» тақырыбына аппликация жаса. Оған дәндер (қарақұмық, тары, күріш), түрлі түсті қағаз, қарындаш, маркер, желім қажет.

• Көк және жасыл қағаздан негіз дайында (1-сурет).
• Ақ қағазды қарындашқа орап, түтікшелер жаса, оған маркермен қайың діңдерін бейнелейтіндей қара сызықтар сыз (2-сурет).
• Негіздің ортасын ашық қалдырып, екі жағына қайың діңдерін желімде. Түрлі түсті қағаздан күзгі жапырақтар қиып алып, қайыңның маңайына жапсыр (3-сурет).
• Қағазға 1 үлкен, 1 кішірек саңырауқұлақ салып, қиып ал да, ағаштардың арасына желімде (4-сурет).

• Үлкен саңырауқұлақтың қалпағы-на желім жақ. Жоғарғы жағына қарақұ-мық, төменгі жағына тары дәндерін жабыс тыр (5-сурет).
• Денесіне (түбіртегіне) күріш дәндерін жапсыр (6-сурет).
• Кіші саңырауқұлақтың қалпағына ашық қоңыр түстіқарақұмық жапсыр (7-сурет).
• Денесіне ұсақ күріш жапсыр (8-сурет).

• Саңырауқұлақтардың үстіне қағаз қойып, алақаныңменжайлап бас.
• Дәндер желімге жабысып, кепкен соң артығын қағып түсір (9-сурет).
• «Күзгі пейзаж» дайын (10-сурет).