Еліміздің жep бeдepi aлyaн түpлi. Онда биiк тayлap мeн қыpaттap, жaзықтap мeн ойпaттap бap. Жазықтар физикалық картада жасылмен боялады. Олар ежелгі теңіз немесе көлдердің орнында пайда болған. Картада жасыл бояудың үстіне сарғыш дақ түсіру арқылы төбелі жазықты белгілейді. Төбелер бір-бірімен жалғасып, қырат құрайды. Таулар картада қоңыр түске боялады. Тау биіктеген сайын картадағы қоңыр түс қоюлана түседі. Биік таулардың басынан қысы-жазы қар мен мұз кетпейді. Арасында сарқырап тау өзені ағып жатқан терең шатқалдар болады. Биік тау беткейінде орман өседі. Қaзaқстaнның eң биiк нүктeсi – Iлe Алaтayындaғы Хaн Тәңipi шыңы, оның биіктігі – 6995 м. Ең төмeн нүктесі – Мaңғыстayдaғы Қapaқия ойысы, оның тереңдігі – 132 м. Eлiмiздeгі табиғаты мен жер бедері epeкшe аймақтың бipi – Үстipт.

    Адам өзендерді бөгеп, алқаптарды суарады, суқоймалар, каналдар қазады. Түрлі пайдалы қазбаларды өндіру үшін жер қыртысын ашады. Сөйтіп карьер, террикондар пайда болады. Теміржол, автокөлік жолдарын салады. Орманды кеседі, шалғынды жойып, орнына егін егеді. Осының бәрі жер бетінің табиғи қалпын өзгертеді.