Көлік саласындағы мамандықтар

Сен:

макет жасау әдісімен танысасың;
қалдық материалдардан автобустың макетін жасайсың.

Тірек сөздер:

макет жасау әдісі
қалдық материал

Сұраққа жауап

Иллюстрацияларды қарастырып, осы мамандықтарды не байланыстыратынын анықта.

Жұмыста бірдей құралдарды пайдаланады.

Бірдей арнайы жұмыс киімін киеді.

Көлік жүргізеді.

Макет жасау әдісі деген не?

Макет жасау әдісі – бұл макеттерді құрастыру тәсілі. Макет – бұл бір нәрсенің моделі, алғашқы немесе сынама үлгісі. Макет белгілі бір нысанды толық жасап бітіргенше оны көрсету үшін қолданылады. Бұл өзгерістер енгізуге, қателерді түзетуге немесе мәліметтерді жақсартуға көмектеседі.

Анықта

1. Суреттерді зерделе. Қандай көліктердің макеттері бейнеленгенін анықта.

Қалдық материал – бұл мақсатқа сай пайдаланылмайтын кез келген қолда бар материалдар. Мысалы, пластикалық бөтелкелер, тетрапакеттер, қақпақтар.

2. Тағы қандай материалдар қалдық материалға жатады?

Орындап көр
Қалдық материалдардан автобустың макетін жаса. Шырын қорабы, пластик қақпақтар (4 дана), түрлі түсті қағаз, маркерлер, таяқша, ыстық желім, желім-қарындаш, шырын түтігі, сызғыш пен қайшы дайында. 1. Шырын қорабын түрлі түсті қағазбен қапта. Бұл автобустың корпусы болады (1, 2, 3-суреттер).

- 2. Автобустың бүйіріне қара маркермен терезелердің және алдыңғы әйнегінің суретін сал (4, 5-cуреттер).

- 3. STOP белгісін жаса! Қызыл қағаздан STOP белгісін қиып алып, шырын түтігінің гофрленген бөлігіне жабыстыр. Автобустың алдыңғы жағында жүргізуші терезесінің жанынан тесік жасап, оған түтіктің ұшын өткіз (6, 7-cуреттер).

- 4. Таяқшаларды қақпақтың ортасына ыстық желіммен жабыстыр (8-cурет). Қақпақтарды қара түске боя. Дөңгелектер ілінген таяқшаларды автобустың астына екі жерден жабыстыр (9, 10-суреттер). Автобус дайын!